Bumalik na ng bansa si Liza Soberano kahapon matapos ang dalawa’t kalahating buwang pamamalagi sa ibang bansa para ipagamot ang injury sa daliri.
Sa naglabasang reports, sinabi ni Liza na pinayuhan siya ng kanyang doctor na magpahinga muna ng ilang buwan para sa mabilis nyang paggaling. Binawalan din siyang sumabak sa sports at activities na kailangan ng physical requirements.
Tinanggihan man niyang maging Darna, bagong TV series naman ang sisimulan niya next month kapareha si Enrique Gil.
Nancy, Lucy, Heart at iba pa inabangan sa SONA!
Buhay na buhay ng local designers kahapon dahil sa pagdamit nila ng ilang Senador at Kongresista na dumalo sa 4th State of the Nation Address ni President Rody Duterte.
Ang laging naba-bash na si Senator Nancy Binay, kinumisyon ang designer na si Randy Ortiz para damitan siya.
Of course, inaabangan din ang suot na gown ni Congresswoman Vilma Santos-Recto, Lucy Torres Gomez at mga asawa ng senador gaya nina Heart Evangelista- Escudero, Sharon Cuneta, Tootsie Angara at iba pa.
Sa totoo lang pinakasimple ang suot na terno ni Senator Grace Poe pero napakaelegante niyang magdala, huh!
Sa pagbubukas ng 18th Congress, si Senator Bong Revilla, Jr. ang pinakamasaya.
Sa interview kay Sen. Bong, vindicated ang feeling niya dahil nanalo siyang muli kahit nakulong at nangangakong magpi-perform para sa kababayan.