Regine laglag sa Studio 7, kumpirmado na ang paglipat
Laglag si Regine Velasquez-Alcasid sa bagong musical variety show ng GMA na Studio 7. Sa October 14 ang pilot telecast nito at papalitan ang The Clash na hinu-host ng Asia’s Songbird.
Pagdating sa musical variety show, siyempre, si Regine ang pambato pagdating sa ganyang konsepto. Pero wala siya sa inilabas na line up ng performers ng GMA Network.
Bibida sa programa sina Christian Bautista, Julie Anne San Jose, Mark Bautista, Gabbi Garcia, Kyline Alcantara, Kate Valdez, Mikee Quintos, Rayver Cruz, Mavy Legaspi, Donita Nose at Tekla.
Magiging bahagi rin ng show ang ilan sa naging finalists sa matatapos na The Clash.
Dahil sa pagkawala ni Reg sa Studio 7, totohananan na ang kumalat na balitang lalayasan na niya ang Kapuso Network, huh!
Maine susubukan na rin maging executive producer
Ngayong pa lang ay gumagana na ang creativity ni Maine Mendoza. Sa Sabado kasi, siya ang over all incharge sa kaganapan sa Eat Bulaga.
Tweet ng Bulaga admin, “Mula sa pagpaplano ng konsepto, hanggang sa pag-e-execute ng Saturday show, makayanan kaya ni Maine ang trabaho ng isang core member?”
Bilang bahagi ng 40 years ng noontime show, walang exemption sa EB Dabarkads na magtrabaho bilang core group tulad nang narasanan ng iba. Siyempre, ang pagiging executive producer ang pinakamahirap na trabaho sa programa.
Gayunpaman, sumabak man sa behind the scenes ng programa, nasa cloud 9 pa rin si Meng dahil sold out ang kanyang lipstick shade nang isapubliko ito, huh!
Tanging ang Phenomenal Star ang naka-achieve ng sold out sales sa produkto niyang inilabas kaya for a change, sasabak naman siya sa panibagong giyera sa mundo ng telebsisyon!
- Latest