Mark kinaiinisan sa pandadamay at kadaldalan
(Pang-masa) - February 13, 2018 - 12:00am

MANILA, Philippines — Marami pala ang naiinis kay Mark Bautista dahil sa mga pasabog niya tungkol sa mga lalaking naka-intimate sa kanya. Sinisira raw kasi ng aktor maging ang pagpapantasya nila sa mga idol nilang diumano ha, ay nakatsugian din ni Mark.

Bakit daw kaya ganun si Mark, madaldal at dalahira pala, mabigyang ingay lang ang libro niyang ilalabas kesehodang makatapak ng kapwa.

Sayang naman daw si Mark na nagkaroon pa man din ng chance na gumanap sa isang stage play sa abroad, ‘yun pala ay sisirain lang niya ang kanyang image.

Dapat malaman ni Mark na hindi lahat ng lala­king may berdeng dugo ay very proud sa ginawa niyang pagbabandera.

Ruru papalit sa trono ni Alden

Maraming humuhula na si Ruru Madrid na ang papalit sa trono ni Alden Richards. May kanya-kanya na rin kasing lakad sina Alden at Maine Mendoza at tila matamlay na rin ang build up sa kanila. Malakas ang appeal ni Ruru sa fans at may ibubuga siya sa pag-arte.

Masaya nga ang mga taga-INC dahil isa na namang kabataang miyembro ang gumagawa ng pangalan sa showbiz sa Sherlock Jr.

Ryza BI daw sa mga bata

Hanggang ngayon ay hindi matapus-tapos ang pagtatanong kung kailan daw ba tutuldukan ang mga kasamaan ni Ryza Cenon sa seryeng Ika-6 Na Utos. Mula raw kasi nang magsimula ang istorya ay pulos kasiraan at pananakit sa kapwa ang ipinakikita sa screen. Worried nga ang ibang nanay dahil tinutularan daw ng mga anak nila ang kasupladahan ni Ryza. Sa totoo lang, magaling na artista si Ryza dahil ipinakita niya ang lahat ng hinihingi ni direk Laurice Guillen.

Happy Birthday…

Maligayang kaarawan sa February born celebrants na sina Angel Aquino, Eddie Gutierrez, Daisy Romualdez, Aljo Bendijo, Don Umali, Kris Aquino at John Pratts. (VIR GONZALES)

Philstar
Facebook
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with