Benjamin naka-score na kay Julie Anne!

Nag-trending sa social media ang unang kissing scene nina Julie Anne San Jose at Benjamin Alves sa teleseryeng Pinulot Ka Lang Sa Lupa.

Matagal inabangan ng fans ng dalawa ang unang laplapan nila. Hindi naman sila nabigo dahil kinilig sila sa unang pagdampi ng labi ni Ephraim sa labi ni Santina sa isang eksena.

Nagpasalamat via Twitter si Benjamin sa mga nagpa-trend ng hashtag na #PKLSLTheKiss.

“Hello to all #JulieBen, #BenLie , #Benjies, and #TeamOink! Thank you for watching and making us trend this week! Happy weekend.”

Pero may mga nagprotesta naman na fans nina Julie Anne at Martin del Rosario.

Si Martin ang gumaganap na kababata ni Santina na si Kiko na matagal nang may itinatagong pagtingin sa dalaga. Nanawagan ang mga ito sa mga writer ng teleserye na bigyan din daw ng kissing scene sina Kiko at Santina.

Maging fair daw ang writers dahil kung may laplapan scene si Ephraim kay Santina, dapat meron ding eksenang lalaplapin ni Kiko ang lips ni Santina.

Nag-tweet naman si Martin at parang nagpapahiwatig na merong aabangan ang fans nila ni Julie Anne.

“Hulaan niyo…” simple pero makahulugang tweet ni Martin.

Denise nakikilala dahil sa Aldub

Masayang-masaya ang Kapuso singer-actress na si Denise Barbacena dahil siya ang napiling umawit ng theme song ng top-rating primetime teleserye ng GMA-7 na Destined To Be Yours.

May titulong Aking Tadhana ang theme song at kasama ito sa official soundtrack ng Destined To Be Yours na pinagbibidahan nina Alden Richards at Maine Mendoza.

Bago ang naganap na world premiere ng DTBY ay ipinost ni Denise sa kanyang Instagram account ang recording session niya para sa naturang theme song:

“Thank you GMAAC (GMA Artist Center) family, Destined To Be Yours team for gracing me the opportunity to give life to this beautiful song. A humbling experience.”

Si Denise ang gumaganap bilang si Yaya Bad sa spoof ng Bubble Gang sa Kalyeserye ng Eat Bulaga. Si Juancho Trivino naman ang gumaganap na Alden na Albert naman sa spoof.

Mapapanood ang official music video ng Aking Tadhana sa YouTube at hindi kami magtataka kung maging number one ito sa digital download dahil sa top-rating AlDub teleserye.