Maine at anak ni Bossing na si Vico mag-dyowa raw talaga

MANILA, Philippines – Halatang in love na in love si Maine Mendoza kay Alden Richards kapag magkasama sila sa kalyeserye at sa nakaraang pictorial. Pero teka, ano itong nasagap naming balita na sa totoo ay sina Maine at Vico Sotto na anak ni Vic Sotto kay Coney Reyes pala ang nagmamahalalan?

Ibig bang sabihin ay pang-showbiz lang ang pagmamahalan nina Maine at Alden?

Well, hindi naman imposible magkagustuhan sina Vico at Maine. Hindi naman alangan si Maine kahit sabihing anak si Vico ni Bossing.

Nora pinagtitiis sa initan habang nagsu-shooting

Kahit sobrang init ng araw, tuloy pa rin ang last shooting day ng pelikulang Kabisera ni Nora Aunor sa Bustos, Bulacan. Ayaw nilang magkaroon ng aberya para muli pang magbalik doon. Puspusan sa pagganap ng eksena nila sina JC De Vera, Ces Quesada at Jonarez Flores na introducing sa movie na directed by Boy San Agustin.

Kwento ni Jonarez, walang pakialam si Guy kahit sobrang init sa pinagsu-shutingan sa Bustos. Nag-aaral sa De La Salle College si Jonarez pero type pa rin niyang mag-showbiz. Taga-Laguna si Jonarez at kinokonsiderang maswerte dahil first movie pa lang niya ay nakasama niya agad ang Superstar. Hindi nga naman lahat na nag-aartista ay pwedeng makasama si Guy.