Sa grand presscon ng My Big Bossing ay umagaw ng atensyon si Alonzo Muhlach dahil wala itong kapaguran sa pagsayaw at nakatutuwang pagsagot sa mga katanungan ng entertainment press.
Ayon kay Niño Muhlach na kasama din sa pelikula, nagpapasalamat siya kay Ryzza Mae Dizon dahil nagsilbi itong ate ni Alonzo sa syuting kung saan lagi itong nakaalalay sa anak.
Sinabi ni Bossing Vic na humingi ng take 2 si Ryzza kay Direk dahil gustong mapaganda ang karakter kung saan gusto niyang tumulo ang luha sa iba’t ibang anggulo-kanan, patagilid dahil seryoso ang ginagawa.
Si Alonzo gaya ni Niño Muhlach noong bata pa ay walang tantrum. Kapag sinabing take na ay madali itong kumuha ng acting instruction.
Sa kabilang banda, sinabi ni Ryzza na maswerte siya sa taong ito dahil natupad ang mga pangarap niya sa buhay. Nagkarun sila ng bahay, sasakyan at business na nauukol sa computer. Balang araw ay gusto naman niyang makapagpatayo ng grocery.
Malaking hatak sa takilya sina Ryzza at Alonzo bukod kay Vic Sotto. Isa pang bentahe ng pelikula bukod sa pagiging wholesome nito ay pinaghalo ang fantasy at komedi sa tatlong episodes.
Magbubukas ito sa mga sinehan sa Disyembre 25 mula sa M-Zet Television, OctoArts Films at APT Entertainment.