Sobrang spoiled ng young actress na ito sa kanyang mommy. Hindi naturuan ng tamang pagpapalaki lalo na pagdating sa kalinisan.
Nagrereklamo kasi ang kasambahay nito dahil kung saan-saang parte ng bahay hinuhubad at ikinakalat ang panty. Isa-isa itong pinupulot ng kasambahay. Burara, ’di ba?
Naku! ’Pag umalis ang kasambahay ng young actress ay malamang na ikalat ang pinaggagagawa ng amo niya.
MEL gustong makita ang personality sa show
Malapit sa aming puso si Mel Tiangco dahil siya ang napili naming awardee ng Soroptimist International (Dasma-Salcedo) para sa kategoryang Women Helping Women dahil sa pusong mapagkawanggawa at sa kanyang Kapuso Foundation.
Maraming natutuwa dahil magbabalik-ere na ang Magpakailanman at consistent top rater ito noon. Isa kami sa maraming nalungkot nang mawala ito sa ere.
Sa pagbabalik nito sa telebisyon may mga kondisyones ang broadcaster.
‘‘I want to see changes. Gusto ko nang pagbabago — new elements, more in-depth investigation at dramatization batay sa real-life stories na ihahatid na bawat episode. I want to see me more — my persona in the show. I am Mel Tiangco, a news personality, public servant. All those things should be incorporated in the show,” diin ni Mel.
Ayon kay Redgie Magno, walang ibang tao ang puwedeng mag-host ng programa kundi si Mel lang.
‘‘She is already identified with the show and it reflects her true persona,’’ say ng GMA 7 executive.
Mapapanood ang Magpakailanman tuwing Sabado simula Nov. 17 at 8:30 p.m.
DAYBREAK MAY BAGONG TIMESLOT
Ang Solar News Channel ay isang news at public affairs channel na maghahatid ng mga bago o up to date news, day in and day out. Ang Solar Daybreak ang flagship show ng Solar TV tuwing 7 a.m., Lunes hanggang Biyernes, na nakatutok sa maiinit na balita tampok si Jun Magsaysay.
Nagsimula kahapon, Nov. 12, ang Solar Daybreak.