Sara nagbukas ng VP satellite offices sa ilang rehiyon

MANILA, Philippines — Binuksan ni Vice president Sara Duterte ang mga satellite offices sa ilang rehiyon sa bansa kung saan maaaring makapagbibigay ng agarang serbisyo ang Office of the Vice President (OVP).

Sinabi ni Duterte na binuksan nila ang anim na satellite field offices sa anim na rehiyon sa bansa sa unang araw pa lamang niya bilang Bise-Presidente ng Pilipinas.

Aniya, ang mga satellite offices ay matatagpuan sa Dagupan (Region 1), Cebu (Region VII), Tacloban (Region VIII), Zamboanga (Region IX), Davao (Region XI), at Tandag in Surigao del Sur (Region XIII).

Ayon kay Duterte na siya ring kalihim ng Department of Education (DepEd), maninirahan pa rin siya sa Davao City bagama’t mag-oopisina siya sa Maynila.

Aniya, hindi na masasayang ang oras at panahon ng isang sibilyan na hihingi ng tulong at pag-aasikaso ng mga papeles ay ilalapit niya ang pamahalaan sa publiko. - Mer Layson