Laban ng Pinas sa Delta variant matatapos na — OCTA

MANILA, Philippines — Dahil sa pagbaba ng hawaan o reproduction number ay posibleng nasa katapusan na ng laban ng Pilipinas kontra COVID-19 Delta variant.

“I think we’re at the… what we’d might call the end game of the delta variant because it’s already starting to decrease,” ayon kay OCTA Research member Guido David.

Sinabi ni David na bumaba na sa 1.1 ang reproduction rate sa Metro Manila at mas mababa na sa zero ang growth rate sa mga nakalipas na araw.

Para maikonsidera na wala nang hawaan na nagaganap sa isang lugar, kailangang maibaba ang reproduction number sa mas mababa sa 1.0.

Nakikita rin umano ang kahalintulad na sitwasyon sa mga karatig-lalawigan na Cavite, Laguna, at Bulacan, ngunit patuloy naman ang pagtaas ng mga kaso sa ibang rehiyon tulad ng Region 2.