50% capacity sa dine-in at personal care services sa fully vaccinated, hinirit

MANILA, Philippines — Taasan sa 50% ang capacity para sa mga dine-in at personal care services para sa mga bakunado sa fourth quarter ng taong 2021.

Ito ang apela ni Pre­si­dential Adviser for Entrepreneurship Joey Concepcion dahil na rin sa realidad na hindi sapat ang kikitain ng mga establisyimento kung mananatili lamang sa 10% ang operating capacity.

Kaya umaasa si Concepcion na sa fourth quarter o bandang Oktubre, Nobyembre at Disyembre ay tataasan na sa 50% ang kapasidad para sa mga dine-in at personal care services na para lamang sa mga fully vaccinated.

Pero, sisiguruhin na lamang umano na mag­lagay pa ng mas maayos na bentilasyon ang mga establisyimento tulad ng restaurants para mas maiwasan ang hawaan ng COVID-19.