Optimistiko pa rin ang PHILRACOM
MANILA, Philippines — Sa kabila ng kinakaharap na pandemya ay kumpiyansa pa rin ang Philippine Racing Commission (Philracom) na kikita sila ng humigit-kumulang sa P2 bilyon sa pagtatapos ng taon.
Ito ang optimistikong inihayag kahapon ni Philracom chairman Reli De Leon sa online edition ng Philippine Sportswriters Association (PSA) Forum.
“Sa tingin ko P2 billion to 2.3 billion. I think we can hit that. We’re confident we can do that basta tuluy-tuloy lang iyong mga karera,” wika ni De Leon.
Naging maganda ang kooperasyon ng Philracom sa Inter-Agency task Force (IATF) at Department of Health (DOH) para sa pagdaraos ng kanilang mga karera sa Metro Turf sa Malvar, Batangas at sa Santa Ana Park sa Naic, Cavite.
“We have to follow the strict protocols implemented by the DOH and IATF,” ani De Leon. “The reason why we keep asking on their permission is because we want to continue the employment being given to our countrymen. Nagpa-vaccinate na iyong mga jockeys, trainers, horse owners, grooms. We are doing those things. Horse racing is actually up on its feet and continue to live in a normal life in times of pandemic like this.”
- Latest
