POC umaasang makakatugon ang PSC sa WADA

MANILA, Philippines — Mismong ang Philippine Olympic Committee (POC) General Assembly ang nagulantang sa posibleng suspensiyon ng World Anti-Doping Agency (WADA) sa Pilipinas sa Olympics, Asian Games at Southeast Asian Games.

Ito ang inihayag ni POC president Abraham “Bambol” Tolentino nang malaman ng POC Gene­ral Assembly ang balita ma­tapos mabigo ang Philippine Sports Commission (PSC) na makumpleto ang WADA Code.

“Everybody was shocked, but I had to report to the general assembly be­cause it’s my responsi­bili­ty,” ani Tolentino sa Ge­ne­ral Assembly.

Walang may gusto sa nangyari lalo pa’t magdiriwang ang Pilipinas ng ika-100 taon ng partisipasyon sa Olympic Games matapos ang unang paglahok nito noong 1924.

“Nobody wanted this for sure, nobody wanted to be in this delicate situation and we are also celebrating our 100 years of participation in the Olympics in Paris,” ani Tolentino.

Kaya naman umaasa ang buong POC na makakatugon ang PSC sa mga requirements na hinihiling ng WADA.

Nanganganib na hindi makapagpartisipa ang Team Philippines sa Paris Olympics sa Hulyo sakaling mabigo ang PSC na ma­­kumpleto ang WADA Code.