Cavs sapaw sa Lakers
CLEVELAND - Iniskor ni Anthony Davis ang 23 sa kanyang season-high 32 points sa second half habang may 22 markers si LeBron James sa 121-115 paggupo ng Los Angeles Lakers sa Cavaliers.
Nagtala rin ang 39-anyos na si James ng 6 rebounds, 6 assists at 2 steals para sa Los Angeles (10-7) na nakahugot kina Austin Reeves, Christian Wood at Max Christie ng 15, 13 at 12 markers, ayon sa pagkakasunod.
Tumipa si Donovan Mitchell ng 22 points sa panig ng Cleveland (8-8) at may 21 markers at 14 boards si Jarrett Allen.
Idinikit ni Mobley ang Cavaliers sa 112-113 kasunod ang layup at dunk ni James para muling ilayo ang Lakers sa 117-112 sa huling 1:12 minuto ng fourth period.
Sa Washington, kumolekta si Trae Young ng 26 points at 10 assists sa 136-108 pagdagit ng Hawks (8-7) sa Washington Wizards (2-14).
Sa Salt Lake City, humugot si Collin Sexton ng 10 sa kanyang 16 points sa fourth quarter para akayin ang Utah Jazz (5-11) sa 105-100 panalo sa New Orleans Pelicans (9-8).
Sa Oklahoma City, humakot si NBA scoring leader Joel Embiid ng 35 points, 11 rebounds at 9 assists para pangunahan ang Philadelphia 76ers (11-5) sa 127-123 paggiba sa Thunder (11-5).
Sa New York, humataw si Mikal Bridges ng 24 points at may 19 markers si Cam Johnson sa 112-97 pagsapaw ng Brooklyn Nets (7-8) sa Miami Heat (10-7).
- Latest
