Michelle misidlak sa entablado
CEBU, Philippines — Giabibahan og maayo ang pambato sa Pilipinas sa Miss Universe nga si Michelle Dee atol sa preliminary competition kagahapon kun diin gipakita gyud niini ang pagkabangiitan sa pagrampa sa entablado.
Nikulit usab og atensyon ang mubo niya nga buhok kun diin kasagaran sa komento sa netizens kay angayan kaayo ang beauty queen niini.
Nakasulod pud si Michelle sa Top 10 Silver Finalists sa Miss Universe 2023 Voice for Change.
Ang gown nga iyang gisul-ob kay ginama ni Mark Bumgarner ug aduna kini 30,000 Swarovski crystals. Taylor Swift gihimoan og comic book
Adunay gigama nga biographical comic book kalabot sa kinabuhi sa singer nga si Taylo Swift.
Kabahin kini sa Female Force series sa TidalWave Comics nga naghisgot sa mga babayeng personalidad nga nilampos sa tagsa-tagsa nila ka mga karera.
“Of course, Taylor Swift deserves her own comic book. She wears colorful tights and fights corporate villains who try to use their money to control her. The only other person who fits that description is Clark Kent…and even he couldn’t have written “1989”,” suma pa sa author niini nga si Eric M. Esquivel. Ang maong comic book kay i-release karong Disyembre 13 ug todo atang na niini ang fans sa singer.
- Latest
