^

Banat Palaro

Mavs makabawos

Emmanuel B. Villaruel - Banat

Ang All-Star guard sa Dallas nga si Kyrie Irving masaligon kaayo nga ang Mavericks makabawos sa Boston Celtics human sila gikulata niini sa pasiunang duwa sa ilang best-of-seven NBA Finals niadtong Biyernes didto sa TD Garden sa Boston, Massachusetts.

Sukwahi sa eksplosibong opensiba sa alas nilang si Luka Doncic, si Irving namugnaw ug mipasud lamang og unom sa 19 niya ka itsa.

Ang resulta, nalimitahan si Irving ngadto lamang sa 12 puntos.

Usa kini sa mga hinungdan nganong ang Mavs gilubong sa Celtics, 107-89, sa Game 1 duha ka gabii ang milabay.

Daw sa na-apektuhan gyud si Irving sa pagsuliyaw kaniya sa mga fans sa Celtics sa matag higayon nga mokupot siya sa bola.

Timaan kini nga wala pa mohupas ang kalagot sa mga dumadapig sa Celtics ngadto ni Irving human siya milayas sa poder sa Boston niadtong 2018-2019 season aron makig-alyansa sa higala niyang si Kevin Durant didto sa Brooklyn Nets.

Si Irving kalmadong miangkon nga iyang gipanglantawan ang susamang senaryo sa Game 2.

"I'm expecting the same things going into game two -- crowd trying to get me out of my element, my teammates out of my element," dason pa ni Irving.

Bisan pa man niini, si Irving masaligon kaayo nga ang Mavs makabawos batok sa Celtics sa ikaduha nilang panag-abot karong Lunes, Hunyo 10 (oras dinhi sa Pilipinas).

"We have the talent to turn things around if we can step it up defensively," padayag pa ni Irving. "It's not the booing and it's not the missed shots. It's more or less our attitude and how we approach possession by possession."-

vuukle comment

ALL-STAR

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with