Embiid, Morant ginganlan nga NBA All-Star reserves
CEBU, Philippines — Sila si Joel Embiid sa Philadelphia 76ers ug Ja Morant sa Memphis Grizzlies maoy mangu sa mga reserve players nga mopakita'g aksiyon sa giatngan nga NBA All-Star Game nga gikatakda karong Pebrero 20 (oras dinhi sa Pilipinas) didto sa Salt Lake City, Utah.
Si Embiid gikuyogan nilang Boston Celtics guard Jaylen Brown, Miami Heat center Bam Adebayo, Milwaukee Bucks guard Jrue Holiday, Chicago Bulls forward DeMar DeRozan, New York Knicks forward Julius Randle ug Indiana Pacers guard Tyrese Haliburton isip mga reserves gikan sa Eastern Conference.
Sa West, si Morant giduyogan nilang Sacramento Kings center Domantas Sabonis, Portland Trail Blazers guard Damian Lillard, Los Angeles Clippers guard Paul George, Oklahoma City Thunder guard Shai Gilgeous-Alexander, Utah Jazz forward Lauri Markkanen ug Memphis Grizzlies forward Jaren Jackson Jr.
Tungod kay sila maoy nakakuha sa labing daghang boto gikan sa fans, sila si LeBron James sa Los Angeles Lakers ug Giannis Antetokounmpo sa Milwaukee Bucks maoy mobarog nga team captains sa duha ka puwersa nga magbangga sa All-Star Games.
Sila maoy mopili kon kinsay gusto nilang makauban atol sa draft nga pagahimoon sa dili pa sugdan ang duwa.
Isip team captain, si James wa pay pilde sa miaging lima ka edisyon sa NBA All-Star.
- Latest
