BEST tankers hahataw sa FINA World Junior tilt
MANILA, Philippines — Apat na pambato ng Behrouz Elite Swimming Team (BEST) ang nagkwalipika sa eight-man national team na sasabak sa prestihiyosong 8th FINA World Junior Swimming Championships na idaraos sa Agosto 30 hanggang Setyembre 4 sa Lima, Peru.
Nangunguna sa listahan si Philippine national junior record holder Micaela Jasmine Mojdeh ng Brent International School kung saan nakakuha ito ng 660 FINA points para makapasok sa lineup.
“We are very thrilled that four of our BEST swimmers got in the Philippine Junior National Team. We would like to thank Coach Virgi De luna for his unwavering guidance to our swimmers. This would not be possible without his continuous hardwork, support and motivation to our swimmers,” ani BEST team manager Joan Mojdeh.
Makakasama ni Mojdeh ang kapwa BEST tankers na sina Filipino-British Heather White na umani naman ng 673 FINA points at Amina Isabelle Bungubung na may 613 FINA points.
Pasok din sa girls’ division si Mishka Sy na may naitalang 617 FINA points.
Babanderahan naman ni Filipino-British Ruben White ang boys’ division kung saan may nairehistro itong 704 FINA points para makasiguro ng tiket sa world meet.
Aminado si Mojdeh na matinding laban ang haharapin ng mga Pinoy tankers subalit magandang pagkakataon ito upang mas lalong lumalim ang karanasan ng mga ito para sa mas malalaking torneo sa mga susunod na taon.
“Our aim is to learn a lot from these experience and get best time and a possibility of breaking Philippine junior record. I am very sure Coach Susan Papa will be very proud of these kids that have started with her grassroots program,” dagdag ni Mojdeh.
Aarangkada rin sa boys’ category sina Joshua Gabrial Ang (698 FINA points), Alexander George Eichler (697 FINA points) at Gian Christopher Santos (722 FINA points).
- Latest