George bumida sa Clippers vs Jazz

LOS ANGELES - Nag­pa­sabog si Paul George ng 34 points sa kanyang pag­babalik matapos ang tatlong buwan dahil sa el­bow injury para akayin ang Clippers sa 121-115 pag­resbak sa Utah Jazz.

Si George ang bu­man­de­ra sa pagbangon ng Clippers (37-39) mula sa 25-point deficit para biguin ang Jazz  (45-31).

Nag-ambag si Reggie Jackson ng 21 points fpara tulungan ang Clippers na wa­kasan ang kanilang five-game losing skid.

Humataw ang Los An­ge­les ng 39 points sa ka­buuan ng fourth quarter matapos iwanan ng Utah sa 16-point deficit sa nasa­bing yugto.

Kumamada si Donovan Mitchell ng 33 points sa pang-limang dikit na ka­­malasan ng Jazz.

Sa Philadelphia, umiskor si Giannis Anteto­kounmpo ng 40 points pa­­ra akayin ang nagdedepensang Milwaukee Bucks (47-28) sa 118-116 pag-es­kapo sa 76ers (46-29).

Sinupalpal ni Anteto­kounmpo ang tangkang put­back ni Joel Embiid sa huling posesyon ng Phi­la­­­delphia sa natitrang 1.6 se­gundo ng laro.

Sa New York, humataw si Kevin Durant ng 41 points sa 130-123 pagdaig ng Brooklyn Nets (40-36) sa Pistons (20-56).

Sa Dallas, humakot si guard Luka Doncic ng tri­ple-double na 34 points, 12 re­­­bounds at 12 assists sa 128-110 pagsapaw ng Mavericks (47-29) sa Los An­­geles Lakers (31-44).