Kasaysayan sa Cebu basketball: Chooks modala sa FIBA 3x3 World Tour Masters sa Cebu

CEBU, Philippines — Ang mga Sugbuanon angayan lamang nga makatilaw og world-class basketball.

Mao kini ang nag-unang rason nganong ang Chooks-to-Go Pilipinas 3x3 nakahukom nga dad-on ang usa sa duha ka World Tour Masters nga ipahigayon niini dinhi sa Sugbo karong Oktubre.

"Apart from Manila, Cebu is also a basketball country. Cebu fans really deserve this," matud pa ni Chooks-to-Go President Ronald Mascarin~as atol sa usa ka press conference niadtong Lunes sa hapon didto sa Crowne Plaza Manila Galleria sa Quezon City.

Sa samang okasyon, pormal nga gisilyohan sa Chooks-to-Go ang lima ka tuig nga kontrata isip global partner sa FIBA 3x3 to be its global partner.

"We are truly honored to be given the privilege to be the global partner of FIBA 3x3. We will be their partner in their global activities, especially in Southeast Asia," dason pa ni Mascarin~as. "It has always been our dream to be in a position to support FIBA 3x3 with it being an Olympic sport."

"Since the very beginning, Chooks-to-Go was considered as very close friends. Now with the global partnership, you are considered as a brother," kanayon pa ni Ignacio Soriano, ang FIBA 3x3 head for events and partnerships. "Now, we are in the same family. We are extremely excited about this partnership. It's not only about the events but also about the development of 3x3 basketball in the whole region and not just the Philippines."  Sigun sa nalatid sa ilang kasabotan, ang Chooks 3x3 maoy tahasan pag-organisa sa mga FIBA 3x3 events sa nasud ingon man pagpadala og mga representante sa Pilipinas sa world circuit.

Apil na niini ang pag-host sa Chooks sa FIBA 3x3 Southeast Asia Super Quest karong Abril 30 ngadto sa Mayo 1), FIBA 3x3 Manila World Tour Masters sa Mayo 28-29, ug ingon man sa makasaysayanong FIBA 3x3 Cebu World Tour Masters unya sa Oktubre 1-2.

Ang duha ka Sugbuanong mga sakop sa Phl 3x3 team nga sila si Mark Jayven Tallo ug Zachary Huang naglantaw sa unahan nga mopakita sa ilang abilidad atubangan sa ilang mga katagilungsod uban ang tumang kahinam.

"I'm very excited to play there (in Cebu) because it's my hometown. I know that the Cebu fans are thirsty to see this kind of basketball action," padayag pa ni Tallo, ang bugtong player nga nakadaog og MVP award sa high school ug college human gipangulohan ang Cebu Institute of Technology-University (CIT-U) Baby Wildcats ug  Southwestern University (SWU)-Phinma Cobras ngadto sa kampiyonato sa mabulokon niyang panahon sa Cebu Schools Athletic Foundation, Inc. (CESAFI).

"We are committed to play for our flag and country a hundred percent. We've been practicing hard that we don't even have time for extra curricular activities," dugang pa ni Tallo. Mao sab ang sentimento ni Huang, nga nakampiyon uban sa Sacred Heart School-Ateneo de Cebu (SHS-AdC) Magis Eagles sa wala pa mohimo og pangan sa University of Sto. Tomas (UST) Growling Tigers sa UAAP.

"I hope that dedicating my full time in 3x3 will work to our advantage.  For sure I'll give my best. I hope we will get a good result there and make our countrymen proud," batbat pa ni Huang.  Aron mabaid og maayo ang ilang abilidad, sila si Tallo ug Huang ug ang uban pang mga sakop sa Phl 3x3 first team nga sila si Mike Nzeusseu, Brandon Ramirez, ug Dennis Santos ipadala sa Chooks ngadto sa Serbia alang sa usa ka makuti nga training camp karong Abril 1-15.