Abueva:Panahon na aron makampiyon ang Magnolia
CEBU, Philippines — Taud-taud na sukad si Calvin Abueva nakatilaw og kampiyonato sa PBA ug mao kini ang gihimo niyang motibasyon sa una niyang season uban sa Magnolia Hotshots.
"Last championship ko 2013 pa sa Alaska. Tagal na. Ilang taon na, eight years, nine years," hinumdum pa ni Abueva sigun sa taho sa PBA.ph. Karon, si Abueva mipaduol ngadto sa pagkab-ot sa iyang gilaraw human gi-sweep sa Hotshots ang Rain or Shine Elasto Painters aron pag-abante sa semifinals sa 46th PBA Philippine Cup didto sa Bacolor, Pampanga.
Ang 33-anyos nga forward mibomba og 20 puntos ug 19 ka rebounds sa dihang gitagak sa Hotshots ang E-Painters sa hingpit bugti sa 96-86 nga kadaogan sa Game 2 sa ilang best-of-three quarterfinal series.
Ning higayona, si Abueva masaligon kaayo nga usa kini sa labing nindot niyang tsansa nga makasakmit og laing korona.
"Iba itong team na ito. Nakakakuha sila ng championship. May destiny ito. Kaya sabi ko kapag napunta ako rito, talagang grab ko lahat ng opportunity na puwede kong gawin dito," kanayon pa sa gibansagan nga 'The Beast.'
Nagtuo si Abueva nga ang Magnolia dunay kapasidad nga makab-ot ang ilang gitinguha.
"This is the best time na makakuha ka ng ganun (championship). Ang laki ng opportunity. Ang laki ng dream at pangarap sa buhay na naglalaro ka na may hawak kang championship," dason pa ni Abueva.
- Latest
