WBA title ni Pacquiao lagmit mabalik

CEBU, Philippines — Hayag kaayo ang posibilidad nga mabalik ang WBA "Super" welterweight title ni Pinoy ring legend  Manny Pacquiao.

Kahinumduman niadtong Enero, si Pacquiao gilangkatan sa WBA sa iyang bakus gumikan sa iyang kapakyas pagdepensa niini. Na-angkon ni Pacquiao ang korona nga gihubo kaniya sa WBA human gipilde si Keith Thurman sa miagi niyang away niadtong Hulyo 2019.

Apan ning bag-ohay pa lamang, mismo ang presidente sa WBA nga si Gilberto Mendoza ang namahayag nga lagmit ilang ibalik ang estado ni Pacquiao "Super" champion. Kon kini mahitabo, usa na unya ka three-belt unification bout ang giatngan nga sangka nilang Pacquiao ug sa IBF/WBC welterweight champion Errol Spence karong Agosto 21 didto sa Las Vegas.