McGregor highest paid athlete sa Forbes' list 2021

CEBU, Philippines — Nagselebrar si kanhi UFC two-division world champion Conor McGregor human nahimutang sa unang dapit sa Forbes' list isip highest paid athletes sa 2021.

Ang 32-anyos Irish mixed martial arts superstar nakakuwarta og makasibaw nga $180 million sa miaging tuig.

Si McGregor gikataho nga nibulsa og $22 million sa iyang kapildihan ngadto ni Dustin Poirier sa main event sa UFC 257 niadtong Enero.

Ang football superstars nga silang Lionel Messi ug Cristiano Ronaldo mi-okupar sa ikaduha ug ikatulo nga dapit nga nikita og $130 million ug $120 million.