Omega fighters nagmalampuson
CEBU, Philippines — Nagmalampuson sila si WBC ranked No. 9 light flyweight Ronnie Mark 'Thunder' Vicelles ug featherweight contender Pete Apolinar sa ilang misyon ug nangu sa mga boksidor sa Omega Gym nga miharos og daog sa unang boxing showdown ning tuiga sa Omega Sports Promotions nga gipahigayon didto sa IPI Sports and Recreational Complex sa Dakbayan sa Mandaue niadtong Sabado.
Gitumba ni Vicelles ang Boholanong si Richardd Rosales sa oras nga 2:49 sa ikaupat nga hugna aron panalipdan ang iyang limpiyong rekord, 13-0 nga gidayandayanan og pito ka knockouts.
Ang iyang stablemate nga si Apolinar midaog sab pinaagi sa "unanimous decision" batok ni Juanito Paredes sa Dakbayan sa Iloilo uban ang iskor, 99-91, 99-91 ug 98-92 aron inaton ang iyang daog ngadto sa 14 batok sa usa ka pilde uban ang walo ka knockouts.
Sa laing bahin, ang three-time world title challenger nga si 'King' Arthur Villanueva ug kanhi Olympian Mark Anthony Barriga nagmadaugon sab sa ilang pagbalik og katkat sa ring.
Si Villanueva (33-4-1, 18KOs) nga katapusang nipakita'g aksiyon niadtong Hulyo 2019, mipilde ni Bryan Tamayo (6-2-2) sa Malabon pinaagi sa "unanimous decision" uban ang unipormeng iskor nga 59-55 sa ilang unom ka hugna nga super bantamweight bout, samtang si Barriga (10-1, 2KOs) nga nakatungtong sa second round sa 2021 London Olympics mipaundang ni Junuel Lacar sa fourth round.
Sa lain pang mga resulta, si Tomjone Magubat miiskor og fourth round TKO nga kadaogan batok ni Ryan Maano, midaog sab si si Regie Suganob human iyang gipahapla si Paolo Sy sud lang sa 22 segundos sa ikaupat nga hugna, samtang sila si Benny Cañete ug Carlo Bacaro midaog pinaagi sa :unanimous decision" batok nilang Reycar Auxilo ug Allan Villanueva.
Sa laing bahin, ang sangka nilang Rodel Suganob sa Dakbayan sa Tagbilaran ug Luiz Borjie sa Manila miresulta sa "majority draw."
Meanwhile, the match between Tagbilaran City's Rodel Suganob and Manila's Luiz Borjie ended in a majority draw.
- Latest