Didal gipasidunggan isip Asia's Skater of the Year
CEBU, Philippines — Napunta ngadto ni Cebuana skateboard sensation Margielyn Didal ang labing taas nga dungog sa unang Asia Skateboarding Awards dihang siya ang gipasidunggan isip "Asia's Skater of the Year."
Ang gold medalist sa Asian Games ug sa Southeast Asian Games maoy mipatigbabaw sa pito ka mga nominado, apil na ang iyang katagilungsod nga si Cindy Lou Serna. Ang uban mga nominado nagagikan sa China, Thailand, Indonesia ug Japan.
Ang mga mananaog gipahibalo niadtong Miyerkules pinaagi sa The Skateboarding Social sa Instagram.
Isip Asia's Skater of the Year, ang garbo sa Barangay Lahug, Dakbayan sa Sugbo miuli bitbit ang $1,500 (P72,000) ug dugang pang $300 (P14,500) sa iyang pagdaog sa "Fastest Feet in the East" ug "Style for Miles" awards. Atol sa Philippine Sports Commission Hour, ang 21-anyos nga si Didal nipadayag sa iyang pagsalig nga maapil sa Tokyo Olympics. "I'm feeling confidence I'll qualify," matud pang Didal.
- Latest