Abueva adto na magtikaw-tikaw sa Magnolia puli ni Banchero, draft picks
CEBU, Philippines — Ang nakontrobersiyal nga magduduwa sa Philippine Basketball Association kaniadto nga si Calvin Abueva adto na magtikaw-tikaw sa bag-o niyang team sa umaabot nga PBA 46th season.
Kini dihang si Abueva gibaylo sa Phoenix Super LPG Fuel Masters ngadto sa Magnolia Hotshots puli ni Chris Banchero. Gawas ni Banchero, apil sab sa kasabotan mao nga makuha sa Fuel Masters ang first ug second round picks sa Hotshots sa umaabot nga PBA draft karong Marso 14.
Dul-an sa duha ka bulan sa wala pa ang trade, si Abueva nipirma og tulo ka tuig nga kontrata uban sa Phoenix. Si Abueva nibalik sa PBA niadtong Oktubre sa tunga-tungang bahin PBA Philippine Cup sulod sa Clark bubble sa Pampanga.
Aduna siya'y average nga 13.67 points ug 10.67 points matag duwa human sa elimination round. Nominado sab siya alang sa Best Player of the Conference ug Sportsmanship Award sa miaging season.
Makauban unya og balik ni Abueva ang iyang suod nga higala ug kanhi teammate sa kolehiyo nga si Ian Sangalang.
Sa iyang bahin, si Banchero napunta sa Magnolia gikan sa Alaska Aces niadtong 2019. Nitala siya og 11.00 points ug 3.09 rebounds matag duwa paghuman sa bubble's eliminations.
- Latest