Toledo Trojans mikulit ikaupat sagunson nga daog sa PCAP tourney
CEBU, Philippines — Ang miratsada nga Toledo City Trojans miposte sa ikaupat nilang sagunson nga daog sa labing unang Professional Chess Association of the Philippines (PCAP) online tournament nga giduwa niadtong Miyerkules sa gabii pinaagi sa lichess platform.
Gibidahan nilang playing team manager FA Felix Poloyapoy Jr., team captain Bonn Rainauld Tibod, International Master Rico Mascariñas, National Masters Rommel Ganzon ug Rogelio Enriquez Jr., Ronald Ganzon, Richard Natividad, Glicerio Pardillo Jr., Christopher Tubalado, Atty. Jeah Jean Gacang ug Jinky Catulay, ang Trojans mibihag sa Quezon City Simba's Tribe, 13.5-7.5, sa wala pa gipakaging ang Olongapo Rainbow Team 7, 12-9.
Gumikan niini, ang Trojans ni team owner Engr. Mardee Gacang-De la Peña mikatkat sa ikaupat nga dapit sa Southern Conference standings bitbit ang 9-6 win-loss record sunod sa Camarines Soaring Eagles (13-2) ug Negros Kingsmen ug Iloilo Kisela Knights nga parehong dunay 12-3 nga baraha.
Wala hinuo'y suwerte ang ubang Cebu teams nga Lapu-Lapu City Naki Warriors, Cordova Dutchess Dagami Warriors ug Cebu City Machers kay nangapilde kini.
- Latest
