Gumabao bumuwelta sa mga bashers
MANILA, Philippines — Bumuwelta si Miss Universe-Philippines second runner-up Michele Gumabao sa mga bashers nitong kaliwa’t kanan ang ibinabatong paninira sa kanya.
Inilabas ng Creamline Cool Smashers opposite hitter ang kanyang saloobin sa isang 24 minutong video na naka-upload sa kanyang YouTube account.
Nilinaw ni Gumabao na nagsalita ito para liwanagin ang lahat at hindi upang atakihin ang sinumang tao, grupo, organisasyon o kapwa beauty pageant contestant.
“I’m not sharing this to attack anyone. I just want to share the truth to be able to move forward,” ani Gumabao.
Inamin ni Gumabao na nalungkot ito sa maaanghang na salitang ibinabato sa kan`1 ya.
Makailang ulit ding pinigilan ni Gumabao na maging emosyonal sa kanyang video upang ipakita ang kanyang lakas ng loob sa harap ng mga bashers.
Nagdesisyon si Gumabao na magsalita para tuldukan ang mga alingasngas na lumalabas laban sa kanya kabilang na ang umano’y pagiging bitter nito sa pagkakatalo sa beauty pageant.
Sa katunayan, nagpadala ito ng mensahe kay 2020 Miss Universe-Philippines winner Rabiya Mateo upang ipaabot ang kanyang congratulatory message.
“When I left. I sent a message to the winner, congratulated her and she replied Thank you,” ani Gumabao.
Matapos ang isyu, inaasahang magbabalik na sa kanyang normal na buhay si Gumabao kabilang na ang pagbabalik-training kasama ang kanyang katropa sa Creamline.
- Latest