Pipila ka pba players mapupos ang kontrata
CEBU, Philippines — Dunay daghang mga PBA players, kansang kontrata sa tagsa-tagsa nila ka mga teams mapupos na karong Agosto 31.
Apil na niini sila si Arwind Santos, Alex Cabagnot ug Jeron Teng.
Ang maong petsa adlaw sa paghukom alang kanila gumikan kay ang tanan wala pa'y kasiguroan sa pagka karon tungod ning pandemiya.
Lain pang mga players, kansang kontrata mahuman na karong Agosto mao sila si Carl Bryan Cruz, Paolo Taha, Rome dela Rosa, John Pinto, Nico Salva, Dave Marcelo ug Jake Pascual.
Kritikal sa paglugway sa ilang kontrata mao ang desisyon sa kagamahanan kabahin sa hangyo sa PBA nga tugotan na ang liga nga sa hinay-hinay mobalik sa ilang praktis ug training.
Gihimo sa PBA ang maong lakang tipik sa ilang pagpangandam sa plano nilang pagtiwas sa naputol nga Season 45 karong Oktubre.
- Latest
