Misyon sa San Miguel Beermen: Walo ka Ph Cup titles, 8 ka MVP ni June Mar
CEBU, Philippines — Ang San Miguel Beermen nakadaog na karon og lima ka sagunson nga kampiyonato sa PBA Philippine Cup nga mao kanhi ang All-Filipino Conference.
Subra na kana og katunga sa orihinal nga misyon nga gusto nilang kab-oton.
"Sabi nga namin gusto namin walong All-Filipino (title) talaga," matud pa ni San Miguel co-captain Arwind Santos segun sa taho sa PBA.ph. "Nabanggit ko yan. Alam ng teammates ko yan na pilitin natin hangga't magkakasama tayo."
Ang beteranong forward mag-39 anyos na sunod bulan sayod nga talisaop na ang mabulukon niyang karera diin siya na-MVP niadtong 2013, nasakop sa Mythical First Team siyam ka higayon, gibayaw sa All-Defensive Team pito ka higayon ug naapil sa All-Star sud sa 11 ka higayon.
Gawas sa personal niyang garbo, ang pagdaog og daghang kampiyonato sa San Miguel franchise nagpabilin nga maoy nag-una niyang tuyo.
More championship, yung talaga yung role namin (as players)," matud pa sa notadong "Spiderman' sa PBA.
Kabahin sa injured nilang pambato nga si June Mar Fajardo, si Santos mibutyag nga siya ug ang iyang mga kauban nagpaabot og duha na lang ka MVP aron matuman ang ilang gihandum alang sa tinamod nilang Sugboanong teammate.
"Maka-walo si June Mar na MVP. Hangga't magkakasama kami, gagawin ko ang lahat ng part ko para suportahan siya sa part na yun at makuha yung championship," pasalig pa ni Santos.
- Latest
