Opening sa Power Forty President's Cup 2020 posibleng isibog
CEBU, Philippines — Posibleng dili madayon ang opening sa Power Forty President's Cup 2020 basketball tournament karong bulana diha sa Inayawan Sports Complex, Dakbayan sa Sugbo.
Plano unta ni ballclub president Edwin Dejacto Sr. ug CESAFI head referee Edwin Dejacto Sr., nga buksan ang torneyo karong Mayo 23.
Apan ang pagpahigayon sa opening wala pa'y kasiguroan tungod sa padayong pagpanghasi sa kontra nga dili makita, ang COVID-19 nga mao sab ang nakababag sa tanang mga kalihukan sa paugnat sa kusog dinhi sa Sugbo ug sa ubang bahin sa kalibotan.
Matud pa ni Dejacto, nga kompleto na unta ang unom ka mga koponan nga mokumbati sa maong liga.
Pangulohan kini sa defending champion Water Market ni team manager Vez Eleguin, Park 'N Go Bakeshop ni Romy Rama, Stronghold ni Atty. Flor Yosores, AMBL ni Allan Lim, LJR Ventures ni Engr. Edwin Rabaya ug ang Sandal & Sanchez Corp. nilang Alex Sandal ug Gastner Sanchez.
- Latest
