WBC mihatag hinabang sa mga Pinoy'ng kanhi kampiyon
CEBU, Philippines — Ang World Boxing Council (WBC) mitunol og hinabang pinansiyal ngadto sa kanhi kampiyon niining mga Pinoy nga naglangkob nilang Rene Barrientos, Luisito Espinosa ug Erbito Salavarria.
Sa kinatibuk-an, silang tulo nakadawat og $17,500 kon P875,000 pinaagi sa WBC Jose Sulaiman Boxers Fund Grant segun pa sa taho ni Quinito Henson sa The Philippine STAR, igsuong mantalaan sa Banat News.
Ang maong hinabang bukas alang sa mga kanhi world, regional, national ug minor champions sa WBC nga nangapurdoy ug kinahanglan nga agakon.
Ang maong matang sa tabang maabot ngadto sa $10,000 sud sa 12 ka bulan ug posible pa kining patas-an ngadto sa $12,000 matag boksidor sa kalisud sa sitwasyon karon gumikan niining coronavirus pandemic.
"This is a regular WBC program not connected to COVID-19," matud pa ni GAB chairman Baham Mitra nga nagsilbe sab nga WBC international secretary ug board member.
Si Salavarria naghari isip WBC flyweight champion niadtong 1970, si Espinosa maoy WBC featherweight champion niadtong 1995-1999, samtang si Barrientos maoy WBC super featherweight champion niadtong 1969-1970.
- Latest
