Irving adunay knee injury, dili kaduwa sud usa ka semana

CEBU, Philippines — Mapalta og duwa sud sa usa ka semana ang bitoon sa Brooklyn Nets nga si Kyrie Irving human masuta sa MRI exam nga aduna siya'y right knee injury.

Human sa pito ka adlaw nga pahuway, si Irving ipaubos pa una og ebalwisyon aron matino kon mahimo na ba siya makatikang og balik sud sa korte.

Nahiaguman ni Irving ang maong angol sa katapusang kuwarter atol sa 113-107 nilang kaparotan batok sa Washington Wizards niadtong Domingo.

Nagkabangga sila si Irving ug Bradley Beal samtang nag-ilogay sila sa bola. Si Beal nahagba gawas sa tuong paa ni Irving nga miresulta ngadto sa pagka-injured sa nauwahi.

Si Irving mitapos uban ang 11 puntos, nga maoy iyang labing gamay karon nga season.

Sud sa 20 ka duwa niini nga season, si Irving mi-average og 27.4 points,  6.4 assists, 5.2 rebounds ug 1.4 steals matag duwa alang sa Nets.

Apan nakapalta siya og 28 ka duwa gumikan sa injury.

Gibana-bana nga si Irving labing sayo nga makabalik og duwa karong Pebrero 11 didto sa Indiana.