Mark Dickel bag-ong coach sa Gilas Pilipinas
CEBU, Philippines – Ang coach sa TNT KaTropa nga si Mark Dickel mao na ang bag-ong coach sa Gilas Pilipinas nga moduwa sa FIBA Asia Cup qualifiers sunod bulan didto sa Thailand.
Nakita sa Samahang Basketbol ng Pilipinas (SBP) nga haom si Dickel nga mogiya sa national team didto sa Thailand. Hinuon ilang giklaro nga mahimo pa nga mag-ilis og coach depende sa performance sa Gilas.
Dako hinuon ang salig sa SBP nga magiyahan og tarong ni Dickel ang Gilas ilabi na nga batan-ong line-up ang ibala niini sa Asia Cup qualifiers.
Ang Gilas segurado na og luna sa 2023 FIBA World Cup, apan gusto sa SBP nga makapakita gihapon og maayong labok ang nasud sa qualifiers aron masukod ang ilang abilidad ug kaandam sa World Cup.
Ang Gilas gilangkuban sa Gilas cadets ug ubanan sa mga beterano sama nila ni Japeth Aguilar, Christian Standhardinger ug Marc Pingris.
- Latest
