Converters mipukan sa Vipers mipuwersa sa semis ko match
CEBU, Philippines — Gipilde sa Concentrix Converters ang 'twice-to-beat' Teleperformance Vipers, 71-57 aron pagpuwersa ngadto sa 'do-or-die' semifinals sa Elite Classic sa Tanduay Athletics CSCC E-Leagues for Basketball Season 15 niadtong Domingo diha sa City Sports Club-Cebu gym.
Ang Concentrix ug Teleperformance magtiwas karong Miyerkules diin ang modaog maoy makaangkon og katungod nga mohagit sa defending champions Sykes Pioneers sa 'best-of-three' finals series.
Si Jaime Pacquiao Jr. mitali og 17 puntos, samtang si Gio Antigua miamot og 12 puntos, samtang si Mark Bacho mitampo'g 11 puntos alang sa Converters nga aduna pa'y paglaum nga makasulod sa finals.
Sila si Admir Batiancila, John Encarnacion ug Lourenz Limpangog nagkumboya'g 24 puntos alang sa Converters.
- Latest
