Pistons mo-trade ni Drummond

CEBU, Philippines — Makapakurat ang pagpahibalo sa mga kadagkoan sa Detroit Pistons nga andam sila nga buhian ang ilang leading scorer ug rebounder nga si Andre Drummond pinaagi sa usa ka trade.

Ang Pistons nga naglisud sa season uban ang 12-23 nga baraha, mo-trade ni Drummond sa ubang koponan bugti ang pipila ka players ug draft picks.

Ang 6-foot-11 nga si Drummond adunay average nga 17.6 points ug siya ang nag-una sa rebounding sa liga sa iyang 15.8 rebounds. 

Usa sa mga rason sa Pistons nganong buhian ang ilang All-Star mao ang kanunay nga pagka-injured niini ug sa dakong  kontrata niini nga molungtad pa sa tuig 2022.

Tungod sa abilidad ni Drummond, ang Pistons nakadawat dayon og mga tanyag gikan sa ubang mga koponan ug segurado na nga ma-trade ang sentro sa dili pa ang Pebrero 5 nga maoy trade deadline sa NBA.

Gawas sa Atlanta Hawks, laing koponan nga posibleng landingan ni Drummond mao ang Brooklyn  ug Boston