Brownlee adunay kabalaka sa PBA Governors Cup finals
CEBU, Philippines — Mitug-an si kanhi best import Justin Brownlee nga aduna siya'y gamay'ng kabalaka nga maapektohan ang performance sa Barangay Ginebra Kings sa PBA Governors Cup finals tungod sa taas nga bakasyon.
Ang Ginebra misud sa finals human nila gitaktak ang NorthPort Batang Pier sa semifinals, 3-1.
Si Brownlee miingon nga nindot unta ang taas nga bakasyon tungod kay makahatag kini og igong panahon nga marekober ang iyang teammates nga adunay injury, apan nanghinaut siya nga dili sila matay-an.
Ang Game-2 sa 'best-of-seven' finals sa Ginebra ug Meralco Bolts sugdan karong Martes, Enero 7 didto sa Smart Araneta Coliseum.
"It's kind of tricky because you don't want to get out of shape too much and you want to stay focus and locked in, it's the finals," matud ni Brownlee sa PBA.com. "I don't think we ever have done this, had an extended break in the semis and now in the finals.So we just want to try to stay focus and not lose the mentality that we have right now."
Si Brownlee miingon nga grabe iyang determinasyon karon nga makatilaw pag-usab og kampiyonato sa PBA.
Buot sab sa 6-foot-5 import nga makabawi human sila gitagak sa Magnolia Hotshots sa semifinals sa miaging tuig.
- Latest