Bucks hiniya ang Bulls

MILWAUKEE -- Humakot si Giannis Antetokounmpo ng 38 points at 15 rebounds habang kumamada si Eric Bledsoe ng season-high 31 points para pamunuan ang 124-115 paggupo ng Bucks kontra sa Chicago Bullls.

Sinapawan ng Milwaukee ang pagtatala ng kasaysayan ni Chicago rookie Coby White.

Nagsalpak ang 19-anyos na si White ng 5-of-8 shooting sa three-point range sa first half para maging pinakabatang player sa NBA history na kumonekta ng limang triple sa limang sunod na laro.

Tumapos si White na may team-high 26 pointskasama ang anim na tres. Nauna nang tumipa ang seventh overall pick ng 2019 draft ng NBA rookie record sa pagpasok ng pitong tres sa fourth quarter sa 120-102 pagsuwag ng Bulls sa New York Knicks.

Sa Cleveland, umiskor si rookie Kendrick Nunn ng 23 points at humakot si Bam Adebayo ng 16 points at 15 rebounds para ihatid ang Miami Heat sa 108-97 panalo kontra sa Cavaliers.

Sa New Orleans, nagpasabog si Jrue Holiday ng 36 points at tatlong beses inagawan ng bola si Paul George sa huling bahagi ng  fourth period para tulungan ang Pelicans sa 132-127 pananaig sa LA Clippers.