Alaska muhatag ni Banchero ngadto sa Magnolia
CEBU, Philippines — Miuyon ang Alaska Aces nga buhian ang sinaligan nilang guwardiya ug Fil-Italian nga si Chris Banchero ngadto sa Magnolia Hotshots bugti sa duha ka players.
Si Banchero gikuha sa Aces sa draft niadtong tuig 2014 diin siya nahimong scorer ug playmaker sa koponan, apan wa damha nga gi-trade siya sa Aces ilis sa mga forwards nga sila si Rodney Brondial ug Robbie Herndon.
Si Banchero adunay average nga 10.1 points, 4.8 rebounds, 4.3 assists ug 1 steal in 30 minutes sa Governors Cup.
Ang 6-foot-1 nga si Banchero malaumon nga makatilaw usab og kampiyonato uban sa defending champion nga Hotshots karon nga conference.
Ang Aces, sa ilang bahin, laraw nga makatabang ang ilang lakang sa pagpalambo sa ilang tsansa sa playoffs. Si Herndon usa ka batan-on ug masaligang backup shooter, apan wala kaayo siya magamit sa Hotshots, samtang si Brondial gilauman nga makatampo og dako sa rebounding ug depensa.
- Latest
