Brownlee kuhaon sa Gilas?

CEBU, Philippines — Wala pa'y pormal nga pahibalo gikan sa Samahang Basketbol ng Pilipinas (SBP), apan malaumon si Justin Brownlee nga siya na ang sunod nga naturalized player sa Gilas Pilipinas.

Si Brownlee namat-an nga miapil sa team practice sa Gilas nga nangandam sa Southeast Asian Games.

Nagkanayon ang high-scoring import nga  ganahan siyang nagsul-ot sa Gilas jersey.

Si Gilas coach Tim Cone nagkanayon nga wala siya mag-apura aron mahimong player iyang sinaligang import sa Barangay Ginebra nga si Brownlee ug iya ra kining gipaapil aron makatabang sa national team.

Ang SBP wala na mipakita og interes aron kuhaon si Andray Blatche nga nahimong naturalized player sud sa lima ka tuig.