Benepisyo sa mga atleta gilihok sa PSC
CEBU, Philippines — Padayon pa nga gilihok sa Philippine Sports Commission (PSC) ang paghatag og benepisyo sa mga national athletes ilabi na kadtong mga moduwa sa nagsingabot nga Southeast Asian Games sunod buwan.
Si PSC chairman William Ramirez miingon nga gibuhat nila ang tanan aron mapadali ang paghingpit sa pagpanghatag og mga benepisyon sa mga Pinoy athletes human usab napasa ang balaodnon nga Republic Act 10699.
Si Ramirez mitug-an nga gaagad pa sila sa Bureau of Internal Revenue nga usa sa mga ahensya nga kinahanglan mutando aron masugdan na ang maong lakang nga makaayo sa mga atleta.
Sa Republic Act 10699, ang mga Pinoy athletes makadawat og 20% discount sa mga commercial establishments, scholarships alang sa mga mananaog nga atleta, retirement ug death benefits.
- Latest
