'Twice-to-beat' tuyosa katropa

CEBU, Philippines — Paninguhaon sa TNT KaTropa nga modaog sa ikawalong higayon sa dihang ilang sangkaon ang NLEX Road Warriors sa PBA Governors' Cup karong gabii didto sa Smart Araneta Coliseum.

Hingpit sab nila nga maselyohan ang 'twice-to-beat' advantage sa playoffs.

Ang TNT ug NLEX magsangka sa alas-7 sa gabii  human sa duwa tali sa Columbian Dyip ug Phoenix Fuel Masters nga sugdan sa alas-4:30 sa hapon.

Ang KaTropa mikulit sa ikapito nilang sunod-sunod nga daog batok sa Alaska Aces, 99-93 sa miaging Biyernes. apan si coach Bong Ravena nagtuo nga dili sayon ang duwa tungod kay sangkaon nila ang laing lig-ong team nga NLEX nga anaa sa ikaduhang dapit sa standing uban ang 5-2 win-loss record.