Harden, Westbrook adunay espesyal nga idalit sa Rockets
CEBU, Philippines – Sila si James Harden ug Russell Westbrook, nga parehong mga scoring champion, dunay espesyal nga idalit alang sa Houston Rockets sa umaabot nga NBA season.
Mao kini ang panahom sa ila mismong team owner nga si Tilman Fertitta.
"I think we are a better team," matud pa ni Fertitta. "It's gonna be extremely exciting to have one of the greatest scorers of all time, and one of the most athletic people that has played the game. I know I'm really excited. I hope they don’t let me down."
Ang pamahayag ni Fertitta gidasonan ni Rockets general manager Daryl Morey nga masaligon sab kaayo nga ang ilang 'power duo' dunay bagsik nga ikabuga sa ilang koponan pagsikad unya sa regular season.
"It's so exciting because James Harden is like the best half-court player I've ever seen, honestly," sumala pa ni Morey.
"Then, Russell is maybe the best transition player, one of the best of all time as well. If you put those things together, I think we have a chance. Now, you've got something really special."
Niadtong off-season, nakubit sa Rockets si Westbrook gikan sa Oklahoma City Thunder pinaagi sa usa ka trade hulip ni Chris Paul.
Ang maong lakang naghiusa og balik ni Harden uban ni Westbrook nga iyang nakauban kaniadto sa Thunder ug gani nakasud pa sila sa 2012 NBA Finals. Ugaling lang kay gipakaging sila sa Miami Heat nga niadtong higayona gipangulohan nilang LeBron James, Dwyane Wade ug Chris Bosh.
- Latest
