Dancesport-Team Cebu City misidlak sa WDSF Hanoi Open
CEBU, Philippines — Ang mga sakop sa Dancesport-Team Cebu City mihimo og impresyon sa World DanceSport Federation (WDSF) Hanoi Open Dancesport Championships didto sa Hanoi, Vietnam sa miaging gabii.
Ang Southeast Asian (SEA) Games-bound nga sila si Wilbert Aunzo ug Pearl Marie Caneda mibira og bronze sa WDSF adult open Latin division nga gidominar sa mga Italyano nga sila si Raffaello Brancato ug Alexandra Koldan.
Sila si Zhi Zhi ug Yuan Chen maoy mipugnit sa silver medal.
Samtang sila si Gylle Niño Diluvio ug Yeddah Marie Castañares milampos pagdepensa sa ilang korona sa youth Latin category human gilupig ang pambato sa Vietnam nga sila si Nguyen Huu Duy Anh ug Nguyen Thuy Linh.
Nagmaya sab sila si Lloyd Simon Asuque ug Jasmine Kate Labra kay naka-bronze sa Youth Latin.
Sila si Diluvio ug Castañares naka-bronze sab sa standard event nga gidominar nilang Kittihat Kongkhunthod ug Saikaeo Rodon sa Thailand.
Wala sab magpaalkansi sila si DTCC directress Eleanor Hayco ug Ansel Estillore nga mibira og gold medal sa grade C senior event.
- Latest