Fajardo sikat pa ni Slaughter
CEBU, Philippines — Gihagit ni Cebuano PBA legend Bonel Balingit ang sentro sa Barangay Ginebra nga si Greg Slaughter nga maningkamot og duwa tungod kay nabiyaan na siya sa abilidad ug kasikat ni JuneMar Fajardo sa San Miguel Beermen.
Si Balingit nga misikat niadtong dekada 90, miingon nga usa siya sa mitutok sa karera sa duha ka Sugboanong sentro dihang nagduwa pa kini sa CESAFI, apan nahibulong siya tungod kay nalabwan na og maayo ni Fajardo si Slaughter. Sila si Fajardo ug Slaughter kanunay nga mag-abot kaniadto sa CESAFI finals. Si Fajardo maoy alas sa University of Cebu (UC) Webmasters, samtang si Slaughter mao sab ang sinaligan sa University of the Visayas (UV) Green Lancers.
"Nung nag-uumpisa sila sa Cebu, mas magaling pa nga si Slaughter e," matud pa ni Balingit sa Spin.ph. "Akala ko nga pagdating nila sa PBA, patas na patas ang match-up nila." "Nag umpisa sila ni June Mar, lamang pa siya, pagdating sa pro ang layo ng iniwan," dugang pa ni Balingit.
- Latest
