Abueva nanagmal sa iyang asawa

CEBU, Philippines — Human sa iyang mga salaod sulod sa basketball court, aduna na sa'y ngil-ad nga balita nga nadangat  ni PBA star Calvin Abueva, kinsa gireklamo usab karon og pagpangdagmal sa iyang asawa ug mga anak.

Si Abueva, kinsa gisuspenso pa sa PBA ug sa iyang koponan nga Phoenix Fuel Masters tungod sa nagkadaiyang salaod, gipasanginlan og pagpang-abuso sa iyang kapikas nga si Sam Abueva.

Si Sam mipagawas og video sa social media diin iyang gibulgar ang tanang bati nga binuhatan sa All-Star.

"Last year, 2018, January tumakas kami ng mga anak ko sa kanya kasi sobra na ‘yung threat na ginagawa niya sakin, sasaksakin na niya ako, babarilin na niya ako," matud pa ni Sam sa iyang video post. "Yung mga CCTV na ‘yun ang pananakit ni Calvin na hindi niyo masisikmura kung paano niya ako saktan at kung paano niya saktan ang mga anak namin."

Miingon si Sam nga dugay niya nga giantos ang batasan ni Abueva ug gidepensaan niya ang imahe niini sa publiko, apan naglisud na siya pag-antos sa iyang bana.

"Kaya lang naman ako nagkaganito dahil ‘yung anak na nakakita ng lahat ng ginagawa niyan, ito 'yung madaling araw gumising," matud pa niya.  "Nanginginig siya gusto niyang yakapin ko siya ng mahigpit, pinapabuksan niya sa akin ‘yung ilaw kasi natatakot siya sa Daddy niya, nandoon na kami   sa   punto   na     ganoon."

Si Sam mipasaka na og pormal nga reklamo batok sa iyang bana.