Sila naman
Mukhang bumigay na ang Golden State Warriors.
Down na sila kontra Toronto Raptors sa NBA Finals, 3-1, at kailangan nilang ipanalo ang next three games para mag-champion.
Isang himala, ala-Ginebra ang kailangan nila.
Ang ganda ng inilalaro ng Raptors, maging sa Toronto o sa San Francisco. Ibang klase si Kawhi Leonard.
Para sa akin, siya ang MVP.
Tapos na nga siguro ang pamamayagpag ng Warriors sa NBA. Ika-limang sunod na finals nila ito.
Champion sila noong 2015, 2017 at 2018.
At baka magkawatak-watak na sila tapos nito.
May pustahan dito sa opisina at sa dinami-dami ng mga tumaya para mag-champion ang Golden State, Milwaukee, Boston at Houston ay tanging isa lang ang tumaya sa Toronto.
Bilib din ako kay Barto. May nakita siyang hindi nakita ng iba.
Kumbaga sa karera, one winner siya kapag nanalo ang Raptors.
Sa Martes ang Game 5 at sa Toronto ito gagawin. Inuulit ko lang, lamang ang Toronto, 3-1.
Isa na lang, NBA champions na sila.
“Kami naman!” ang sigaw ng Raptors.
Oo nga naman.
- Latest