Romeo seguradong pahamtangan og silotan sa PBA
CEBU, Philippines — Magpaabot na lang ang San Miguel Beermen sa pormal nga suwat gikan sa PBA Comissioner's office kabahin sa ihatag nga silot ngadto ni star point guard Terrence Romeo.
Si Romeo segurado na nga pahamtangan og silot sa liga human nagwala sa ilang batok sa Magnolia Hotshots sa Game-2 sa ilang best-of-seven finals sa PBA Philippine Cup.
Si Romeo gitawgan og foul human sa usa ka play batok ni Mac Barroca, apan inay nga hangpon, ang kanhi scoring champion mihapos hinuon sa bola paingon sa referee, kinsa mitawag kaniya og technical foul nga nakapasamot og kainit ni Romeo ug mihasmag sa mga opisyal.
- Latest