Mayweather dili na moaway ni Pacquiao
CEBU, Philippines — Miinsister si Floyd Mayweather Jr. nga pabilin siyang usa ka retirado ug wala na siya'y plano pa nga makigsangka og usab ni Manny Pacquiao.
"As of right now, I'm not fighting (Pacquiao or) anyone. I'm currently retired," matud pa ni Mayweather segun sa taho sa FightHype.com.
Kining labing uwahing pamahayag ni Mayweather daw sa nagsablig og bugnaw nga tubig sa kanhi nagdilaab nga mga taho kabahin sa gihandum nilang rematch ni Pacquiao.
Nagkanayon si Mayweather nga nakadungog siya nga namahayag ang iyang amahan nga moaway siya og balik, apan dili kini tinuod.
Si Mayweather midugang nga kadto lamang mga impormasyon nga nagagikan mismo sa iyang baba ug sa iyang social media page ang angayan nga tuhoan.
Kay wala na sa eksena si Mayweather, lagmit engkuwentrohon ni Pacquiao si WBA Super welterweight champion Keith Thurman o dili ba si Danny Garcia sa sunod niyang away nga temporaryong gikatakda karong Hulyo.
- Latest
