Lakers mag-atubang kritikal nga off-season

CEBU, Philippines — Nagtuo si LeBron James nga ang Los Angeles Lakers mag-atubang og kritikal nga off-season human kini matagak sa playoffs sa ikaunom nga sagunson nga tuig.

Sa dihang nahinabi sa Bleacher Report, si James nagkanayon nga kinahanglan nga palig-onon nila og maayo ang ilang line-up kun   mangambisyon man gani   sila   nga    maka-angkon   og    dungog sa sunod nga NBA season.

Ang 34-anyos nga four-time MVP nagplano nga modala og aktibong papel aron tabangan ang Lakers   nga makaporma og usa ka lig-ong puwersa.

"I've never played fantasy basketball. But I will be as active as I need to be for this franchise to get better. That's why I came here," pasabot pa ni James nga dili makaduwa sa playoffs sa labing unang higayon sukad niadtong 2005.

"I came here to win. And obviously, we need to get better, as far as our personnel. We have an opportunity to get better," dugang pa ni James. 

"And there's a lot of talent out there and a lot of guys that can help our franchise. So I'll be as active as I need to be for us to get better and go from there."

Tataw nga dakong kausaban ang mahitabo sa Lakers sa off-season gumikan kay pito sa mga sakop niini ang  mahimo na nga free agents.

Wala pa sa'y klaro kun magpabilin ba uban  kanila si coach Luke Walton nga lagmit paglagputon sa iyang puwesto.

Samtang si James miangkon nga nagkapaspas ang pitik sa orasan sa iyang tinguha nga modugang og titulo sa ilang koleksiyon kay talisaop na man sab ang iyang karera.