Smart/MVPSF taekwondo program kasado na
MANILA, Philippines — Sisimulan ng Philippine Taekwondo Association ang 2019 SMART/MVP Sports Foundation Taekwondo Summer Program sa Abril 2 sa lahat ng kanilang mga kagrupo sa buong bansa.
Inaanyayahan ni Makati Congressman Monsour del Rosario, ang secretary general ng PTA na miyembro ng World Taekwondo Federation at Philippine Olympic Committee at kinikilala ng Philippine Sports Commission, ang lahat para matutuhan ang popular na martial art events.
Gagawin ang nasabing summer sports program hanggang Hunyo 2 sa mga PTA branches sa Metro Manila at Regions 1 hanggang 12, CAR, ARMM, CARAGA, Philippine National Police at Armed Forces of the Philippines.
Ang mga interesado ay maaaring tumawag sa PTA sa 5220518, 5220519 at 5240457 o mag-e-mail sa [email protected]/[email protected].
Ang nationwide taekwondo class ay sinusuportahan ng PLDT, Meralco, Philippine Sports Commission, Philippine Olympic Committee at Milo.
- Latest